"Lurreko azken arraina jaten dugunean, lurreko azken zuhaitza botatzen dugunean, ura darion azken iturria agortzen zaigunean, orduan; orduan konturatuko gara urreak ez duela jateko balio ezta zilarrak edateko." - Aldaketa klimatikoari buruzko esaldia
Azken asteotan hedabideek jakinarazi egin dutenez, Polizioak legez kanpoko abortoak praktikatzen
zituzten zenbait klinika miatu egin dituela. Honen harira, abortoari
buruzko eztabaida berpiztu egin dela ematen du. Bilgune Feministak honen
inguruko prentsa oharra atera du, besteak beste, emakumeek beraien
gorputzekin zer egin aukera egiteko askatasunaren aurkako erasoa
dela salatzeko. Honetaz hitz egiteko, Bilgune Feministako Izaskunekin egin genuen berba ostegunean.
Pobrezia estrukturala, lurren okupazioa, naturaren suntsipena, ekonomiaren
globalizazioa eta erregimen totalitarioak egotea bada gatazken
sorburu, Mundubat elkartearen ustez. Eta giza eskubideak urratzea
bada gatazken ondorio nagusia, erakunde honen ustez.
Mundubat erakundetik gatazkaren
ikuspegi desberdina azaleratu nahi dute, bi dokumental proiektatuz.
Emanaldia asteazken honetan, Bilboko Hikaateneon izan da.
Ekimen honen helburuak azaltzeko eta dokumentalei buruzko informazio gehiago edukitzeko, asteazkenean Mundubat elkarteko Olaia Lazkurain gurekin izan dugu Kaleko Bentanien.
Gaur goizean, Bai Euskal Herriari Ekimeneko Idazkaritza
Nazionaleko Ordezkaritzak prentsaurrekoa eman du Donostian, azken
hilabeteetan Euskal Herriaren naziotasun eskubidea urratua izaten ari
dela salatzeko eta Abenduan Euskal Herriaren Naziotasuna
Aldarrikatzeko antolatu diren hainbat egitasmo aurkezteko. Honetaz
hitz egiteko BAI Euskal Herriari Ekimeneko Erruki Ezkurrarekin berba egin dugu astearte honetan telefonoz.
Podcast honetan, eduki hauek aurkitu ahal dituzue:
Izaro Gorostidi, 18/98 makro auzia salatu eta EHUko Mario Zubiaga eta Jesus Mari Zalakain irakasleen askatasuna aldarrikatzeko asmoz egindako desobedientzia zibileko ekimena.
Irratia.com saioaren partaidea den Jabiri egindako elkarrizketa.
SOS Arrazakeriak antolatutako erakusketa ren harira, SOS Arrazakeriko Zuriari egindako elkarrizketa.
Hamabostaldi antidesarrollistari buruzko elkarrizketa, Javier Hidalgorekin.
Abenduaren 19 eta 20an, hamabi euskaltzale epaituko dituzte
Bilboko Auzitegian, 2005eko otsailean hizkuntza eskubideen aldeko ekimen
batean parte hartzeagatik. Bost hilabeteko espetxe zigorra eskatu du
fiskalak bakoitzarentzat.Epaituak izango diren pertsonetako batzuk EHEko
eta Behatokiko ordezkariekin batera agertu ziren prentsaren aurrean.
Baina bi eragile horiez gain atxikimendua agertu diete, halaber,
Justizian Euskaraz-ek, Kontseiluak, AEK-k eta IKAk, eta datozen egunetan
babes gehiago batzen saituko dira.
Honen inguruan EHE taldeko Eulaterekin egin genuen berba.
Datorren Abenduaren 19 eta 20an, hamabi euskaltzale epaituko dituzte
Bilboko Auzitegian, 2005eko otsailean hizkuntza eskubideen aldeko ekimen
batean parte hartzeagatik. Bost hilabeteko espetxe zigorra eskatu du
fiskalak bakoitzarentzat. Epaituak izango diren pertsonetako batzuk EHEko
eta Behatokiko ordezkariekin batera agertu ziren prentsaren aurrean.
Baina bi eragile horiez gain atxikimendua agertu diete, halaber,
Justizian Euskaraz-ek, Kontseiluak, AEK-k eta IKAk, eta datozen egunetan
babes gehiago batzen saituko dira.
Prentsaurrekoaren zati bat entzun dezakezue jarraian.
Astelehenean,
Abenduaren 10an, SOS Arrazakeriak antolatutako ‘etorkina emakumea
bizilaguna' erakusketa aurkeztu zen. Erakusketa Bilboko Hika
Ateneon burutuko da eta gure herri eta auzoetan bizi diren 17
emakumeren bizipenak isladatzen ditu. Eurek kontatzen dizkigute euren
esperientziak, sentsazioak eta itxaropenak. Erakusketa 18 panelek
osatzen dute, bakoitzean emakume baten argazkia, berak kontatutako
bizipena eta SOS Arrazakeriak eginiko emakume eta etorkinari
izatearen inguruko hausnarketa bat agertzen dira. Erakusketa honetaz SOS Arrazakeriko Zuriarekin hitz egin genuen
Abenduaren 10etik 23ra, euskal herri guztietan hamabostaldi
anti-desarrollista egiteko proposamena zabaltzen du Abiadura Handiko
Trenaren (AHT) aurkako Asanbladak. Hori dela eta, “Txikizioa gelditu
behingoz!!!” da gaurkoan proiektu txikitzaileen aurkako jarrera duten
lagunei eta taldeei helarazi nahi diegun mezua, hain zuzen ere egun
horietan gure herrietan egitasmo suntsitzaileen aurkako eztabaida eta protesta ekintzak
antolatzeko. Ekimen honek era guztietako proiektu erasokorren salaketa
eta kapitalismoarekiko kritika erradikala uztartu nahi ditu.
Bihar, Kaleko Bentanien, AHTaren aurkako asanbladako Mikelekin hamabostaldi honen inguruan hitz egingo dugu.
San Frantzisko auzoko kale
nagusietan bideo-kamera begiraleak jartzea erabaki du Bilboko Udalak, alderdi
horretan ematen diren lege-huste eta delituak gutxiarazteko, diotenez
...
