Kaleko Bentanien, asteazken honetan, Pannagh elkarteko Martin Barriuso bozeramaile ezagunarekin egingo dugu berba. Aste honetan, Pannagh elkarteak Ertzaintzak errepideetan erabiltzen dituen drogen kontsumoko azterketak kritikatuz, prentsa oharra atera zuen. Bertan, besteak beste, Ertzaintzak erabilitako test-ak fidagarriak ez direla, legezko oinarria ez dutela, eta ziurtasun juridiko eza eragiten dutela esaten da.
Hedabide Komunitarioen Estatuko Sarearen IV Topaketetan, besteak beste, Antxeta Irratiko Juan Etxenike egon zen. Berarekin elkarrizketa izan genuen igandean, Topaketak bukatu ondoren. Juanek topaketetaz hitz egin zigun, baita Antxeta Irratiari buruz, Iparraldeko irratien egoerari buruz, edo Indymedia eta Antxetaren arteko ezberdintasunei buruz.
Zenbait
hedabide komunitarioetatik etorritako 150 pertsona baino gehiago
egongo dira Bilbon,REMC-k (Hedabide Komunitarioen Estatuko Sarea) deituta. Tas Tas Irrati Librea ekimen honen anfitrioia eta antolatzailea izango da. Topaketak
Azaroaren 23, 24 eta 25ean Bilboko Aterpetxean eta Lan Ekintzaren
Enpresaldeko ondoko eraikuntzan izango
dira.
Topaketen
baitan tailerrak, hitzaldiak, erakusketak, eztabaidak... egongo dira.
erabakitzeko, ikusteko, ikasteko, norbanakoen harremanetarako,
atsedena hartzeko, ondo pasatzeko...
Topaketa hauetaz gehiago jakiteko, gure kidea Aitorrekin hitz egin dugu, jarraian elkarrizketa entzun dezakezue.
Bihar asteazkena, Azaroaren 14an, Boluntak antolatutako jardunaldiak izango ditugu hizpide. Jardunaldiek Gizarte mugimenduen sarrera Informazioaren Gizartera dute izena, eta hauen helburua, besteak beste, Informazioaren Gizarteak mugimendu sozialari zelan eta zertan eragiten dion aztertzea da. Kaleko Bentanien honen inguruan egingo dugu berba bihar, Boluntako Leirerekin.
Pasa den larunbatean, azaroaren 10an, Errekaldeko Kukutza Gaztetxean, zenbait gazte elkartek antolatutako Zeuk daukazu giltza topaketak burutu ziren. Bertan gazteok pairatzen duten arazorik larrienetakoa aztertu zuten: etxebizitza hain zuzen ere. Topaketa hauen balorazioa egiteko elkarrizketa bat egin genion antolatzaileetariko bati, Ibairi hain zuzen.
Pasa den larunbatean, azaroaren 10an, Errekaldeko Kukutza Gaztetxean, zenbait gazte elkartek antolatutako Zeuk daukazu giltza topaketak burutu ziren. Bertan gazteok pairatzen duten arazorik larrienetakoa aztertu zuten: etxebizitza hain zuzen ere. Topaketa hauen balorazioa eduki ahal izateko, antolatzaile batekin egingo dugu berba gaurko Kaleko Bentanien.
San Frantzisko auzoko kale
nagusietan bideo-kamera begiraleak jartzea erabaki du Bilboko Udalak, alderdi
horretan ematen diren lege-huste eta delituak gutxiarazteko, diotenez
...
