Ostegun honetako Kaleko Bentanien (Tas-Tas Irrati Librean,
arratsaldeko bostetatik seiretara), Gabi Basañez euskaltzalearekin
egingo dugu berba. Gabi 1994tik hona darrai epaiketetan euskaraz soilik
berba egin ahal izatea exigitzen. Hori dela eta, gaur goizeko 9:45etan
epaitua izan da. Berak bizi izandako experientzia kontatuko digu, eta
baita Euskal Herrian egon eta egongo diren antzeko kasuak.
Horretaz aparte, 35mm zinemari buruzko atalean, Jaxonek Donostiako
Zinemaldiari buruzko laburpena egingo digu, bere ustez, zeintzuk izan
diren filmerik interesgarrienak aipatuz.
Asteazken honetan, Urriak 3, Barakaldoko zenbait giza eta sindikal elkartek Mega Park merkataritza gunean dauden 1600 langileek jasaten duten lan prekarietatea salatzeko (besteak beste, 700 euroko soldata) Via Crucis bat burutu dute. Ekimen honen inguruan, eta baita oro har Ezkerraldean dagoen lan prekarietatearen egoeraz, edo elkarteen erantzunkizunaz hitz egiteko Karmele, antolatatzaileetariko bat, izan dugu gaurko Kaleko Bentanien.
Astearte honetako Kaleko Bentanien, FAS zineklubeko kide batekin egingo dugu berba, Guggenheim museoarekin batera antolatutako amets amerikarra izeneko zikloaz berba egiteko, eta baita FAS zinekluba noiz eta zergatik sortu zen jakiteko.
Horretaz aparte, Gatazka kolektiboak bere lehenengo kolaborazioa egingo du Kaleko Bentanien, eta UPH Unios Hermanos Proletarios kolektiboak ateratako liburua eta UFestuek Gipuzkoako taldeak ateratako Judas Bat naiz izeneko diska aurkeztuko digu. Guzti hau, arratsaldeko bostetatik seiretara.
Astelehen honetan, Kaleko Bentanieko estreinaldian, Irailaren 24an Bilboko abokatu baten kontrako epaiketaz egin genuen berba, ustez 40 etorkin baino gehiago iruzur egiteagatik. Horretarako, Zuria, Bilboko SOS Arrazakeriko kidearekin elkarrizketa izan genuen, eta bertan berak epaiketaren inguruko informazio guztia kontatu zigun.
Kaleko Bentanie duela ea hiru urte sortutako proiektua dugu, Tas-Tas Irrati Librean genuen euskarazko programazioa areagotu eta hobetzeko asmoz. Hiru urte hauetan bai parte hartzen duen jendea eta baita egutegiaren aldetik aldaketa dezente izan ditugu.
Astelehen honetan, Urriak 1, Tas-Tas Irrati Librean Kaleko Bentanieko edizio berria hasiko da. Aurten egunero egingo dugu saioa, astelehenetik ostiralera, arratsaldeko bostetatik seiretara, eta betiko atalak izateaz gain (eguneko albiste aipagarrienak edo agendan dauden ekitaldi interesgarriak) egunero egunerokotasunaren inguruko elkarrizketa bat egiten saiatuko gara. Horretaz aparte, zenbait kolaborazio izango ditugu, gai ezberdinen inguruan: zinema, antzerkia, musika, literatura, internazionalismoa, banaketa alternatiboa... Guzti honekin magazin erakargarria egiten lortzea espero dugu, bai eduki eta baita irrati kalitatearen aldetik.
Nahi izanez gero, astelehenetik ostiralera, arratsaldeko bostetatik seiretara entzuteko aukera izango duzu.
Beste behin ere, Tas-Tas Irratian ikasturte berria hasteari ekiten diogu. Aurten, aurreko urteotan bezala, gure aurrean erronka berriak eta ez hain berriak ditugu. Erronkarik garrantzitsuena, proiektu honen errekonozimendua (eta baita irrati libre eta komunitario guztiena) lortzea Gasteizeko Jaurlaritzak egingo duen frekuentzia banaketaren aurrean izango da. Horretarako dinamika ezberdinak egingo ditugu urtean zehar.
Horretaz gain, aurten izango dugun beste helburu garrantzitsua gure programazioan euskarak duen presentzia areagotzea izango da. Horregatik, Urriaren 1etik aurrera Kaleko Bentanie magazina berriro egunero egingo dugu, arratsaldeko bostetatik seiretara. Arrosatik hartutako saioek garrantzi handia izango dute baita.
Era berean, Hala Bedi eta Tas-Tas irratien artean egindako Suelta La Olla magazinak (goizeko 10etatik ordubatera) orain arte izandako garrantziari eusten saiatuko gara, baita En movimiento ordubatetik ordubietara egiten dugun magazina.
Interneten Tas-Tasek daukan presentzia ere hobetzen saiatuko gara. Zuetariko askok uda honetan Interneten bidez emititzen hasi garela jakingo duzue. Hori ez ezik, podcast egiten hasiko gara.
Eta nola ez, iaz sortutako Zaratas konpartsak egindako ekimenekin jarraituko dugu.
Magazinetan parte hartzeko gogoak baldin badituzue, edo kuinak grabatu, edo web orrian laguntzea, edo baita hasi berria den Zaratas konpartsan parte hartu, edo irratsaio berria proposatu nahi duzue, kontaktuan jarri
San Frantzisko auzoko kale
nagusietan bideo-kamera begiraleak jartzea erabaki du Bilboko Udalak, alderdi
horretan ematen diren lege-huste eta delituak gutxiarazteko, diotenez
...
