Dagoeneko jakingo duzuen moduan, pasa den Ekainaren 1 eta 2an, "Irratigintza alternatiboarentzako erronka berriak, irrati libreak eta gizarte eta lege aldaketak aurrez aurre" izeneko mintegia antolatu genuen. Mintegi hau antolatu baino lehen, gure posizioa definitzen saiatu ginen Komunikazioaren Hirugarren Sektoreak jokoz kanpo jarraitzen du prentsa artikuluaren bitartez. Artikulu horretan, besteak beste, gure aurrean geneukan arriskua salatu nahi genuen, hain zuzen, etorkizunean gaindituko den IkusEntzunezko Lege Orokorrak gure proiektuak errekonozitzea baina dialean jada gure proiektuentzako lekurik ez egotea. Tas-Tasetik egiten dugun balantzea oso baikorra da,, nahiz eta logikoki dena bikaina ez izan, eta gauza batzuk hobetu daitezkeen. Gure iritziz, etorkizunean egongo den frekuentzia banaketaren aurrean gure errekonozimendua aldarrikatu nahi izanez gero irrati libre eta komunitarioen estrategia zein izan behar den azaldu dugula pentsatzen dugu, hain zuzen, dialean dauden beste proiektuetaz ezberdintzen gaituena aldarrikatzea: jabego soziala, talde ekonomiko, politiko eta erlijiosoetatik independiente izatea, jendarte eraldaketaren aldeko konpromezua, etabar. Era berean, bai Mariano Sanchezek baita Pia Matak kontatutako experientziak oso aberasgarriak izan zirela uste dugu. Honetaz gain, noski, mintegia irrati libre eta komunitarioetako jendeak IkusEntzunezko Lege Orokorraz informazio gehiago eduki eta zehaztasun gehiago jakiteko baliagarria izatea espero dugu.

Bestaldetik, frekuentzia banaketan irrati libre eta komunitarioen errekonozimendua Gasteizeko Gobernuaren esku baino ez dagoela eta, errealitate honen aurrean, ezin dela errua beste bati botatzea (Espainiako Gobernuari hain zuzen) Beraz, Gasteizeko Gobernuak argitu beharko lukeela ea bere borondatea eta asmoa irrati komunitarioen existentzia errekonozitzea den ala ez, Nafarroako Gobernuak Nafarroan gauza bera argitu behar duen moduan.

Jarraian, mintegiarekin zerikusia duten zenbait audio entzuteko aukera duzue. Lehenik eta behin, Mas Voces-eko kideok Juantxo Estebaranz gure kideari egindako elkarrizketa.

Kaleko Bentanien, gure kidea Jaimek egiten duen literatur atalean, aste honetan Jon Mirande euskal poetaz egin zuen berba. Atal honetan, hain ezaguna ez den euskal idazle honi buruzko ezaugarririk garrantzitsuenak eta interesgarrienak kontatu zizkigun, eta bere hitzen bidez ikusiko dugu ze pertsonai korapilotsua eta aldi berean interesgarria izan zen Jon Mirande. 

Kaleko Bentanieko gaurko saioan, Askapena elkarteak egindako Munduko Barrikadak izeneko atalean bi ekitaldi nagusi izan ditugu. Alde batetik, hilaren 23an ospatuko den Internazionalista Eguna, eta horretarako Askapenako kidea den Unairekin egin dugu berba. Horretaz gain, Mexikoko Oaxakan gobernadorearen aurkako altxamendua izan zenetik lehenengo urteurrena aste honetan betetzen da, eta hau aprobetxatuz, Radio Planton Oaxakako irratiko kide batekin egin dugu berba zuzenean, gertakizun hau dela eta burututako 18 orduko emisio berezia beraiek kontatzeko.

Kaleko Bentanien aste honetan, gure kidea Martak Jean Pier Garnier idatzitako Contra los territorios del poder liburua aurkezten digu 20 minutuko kolaborazio honetan. Virus argitaletxeak argitaratu du liburu hau, eta ideia orokorra da globalizazio garai honetan gai sozialak konpontzen saiatu beharrean gai sozialen kudeaketa arautzen saiatzen dela.

Kaleko Bentanien, aste honetan, Resquicios aldizkariaren egile nagusia den Javi Rodriguezekin egin genuen berba. Berak aldizkaria oro har aurkeztu digu eta, zehazki, atera berri duen ale berriaz (hirugarrena hain zuzen ere) hitz egin digu. Resquicios giza kritikarako aldizkaritzat jotzen du bere burua. Ale honetan gai nagusia mugikortasuna izan da.