Asteazken honetan, hilak 17, Amnistiaren aldeko Mugimenduaren aurkako epaiketaren sententzia publiko egin da. 27 auzipetuetatik Entzutegi Nazionalak 21 zigortu egin ditu. Sententzia honen inguruan hitz egin dugu Amnistiaren aldeko Batzordeko Julen Arzuagarekin.

 

Julen Arzuaga

 

 

Asteburu honetan, Lizarra-Garaziko akordioaren 10. urteurrena izan zen. Akordio hori gogoratu eta aldarrikatzeko, Maltzagako Mahaiak ekitaldia burutu zuen Donibane Garazin. Urteurren honetaz hitz egin dugu Andee Saint Marie Maltzagako mahaikidearekin. Berak, besteak beste, Lizarra-Garaziko izpiritua berreskuratu behar dela esan digu.

 

Andee Saint Marie 

 

 

Udaostean indarberrituta itzulita, Kaleko Bentanieko kideok (Tas-Tas Irratiko euskarazko magazina) denboraldi berriari ekingo diogu. Aurrekoetan bezala, astelehenetik ostiralera, arratsaldeko 17etatik 18ak arte egongo gara, eta aurrekoetan bezala, denboraldi honetan ere gizarte mugimenduek antolatzen dituzten ekitaldien berri ematen saiatuko gara, baina beste osagaiak ere egongo dira: ikerkuntza (Ahoztar Zelaieta kriminologoaren eskutik), zinema, literatura, umorea... eta askoz gehiago. Irailaren 15an osagai hauekin batera, denboraldiari hasiera emango diogu.

 

Kuina Promo Kaleko Bentanie

 

 

Duela urte bat, Euskaltube gunea sortu zen, bideoak gordetzeko gunea, Youtube plataforma ezagunaren euskarazko bertsioa nolabait esatearren. Lehenengo urtebetzearekin batera, gune honek itxura eta aukera berriekin ekin dio ikasturteari. Proiektu honetaz hitz egin dugu Euskaltuberen sortzaile eta administratzailea den Haritz Rodriguezekin.

 

EuskalTube

 

 

Gaur goizean, parte hartzeari buruzko ikastaroko Ibarretxe lehendakariaren aurkezpena aprobetxatuz, Abiadura Handiko Trenaren aurkari talde bat Miramar Jauregiaren sarreran eseri eta lotu egin da, beste batzuk teilatutik behera pankarta atera dute, eta kurtsoan zeuden beste batzuk lehendakariari zuzenean galdegin diote.

 

Konferentzia areto barruan, lehendakariak aurkezpenaren bukaeran salaketa berdinaren inguruko galderak entzun behar izan ditu: "Nola egin daiteke bateragarri parte hartzearen aldeko bere mintzaldia aldi berean Abiadura Handiko Trenari buruz hainbat herritan egin diren kontsultei kaso ez egitearekin?"

Irailak 8 honetan egindako ekintzari buruz eta udan Zaldibian egindako AHTaren aurkako akanpadari buruz hitz egin dugu AHTaren aurkako Asanbladako Javier Hidalgorekin. Era berean, Jauregiaren barruan egon den beste kide batekin hitz egiteko aukera izan dugu.

 

Miramar jauregia AHTaren aurkako ekintza

 

 

Aurten lehenengo aldiz Tas-Tas Irratiko historian, irrati honek txozna bat izan du Bilboko Aste Nagusian. Aste Nagusi osoan zehar, Bilboko Arenalean, San Nicolas elizaren aurrean, ikusgai izateko aukera izan dugu, Zaratas konpartsaren bidez. Denetariko momentuak egon dira: dibertigarriak, tentsiokoak, angustiadunak... baina emaitza ezin da pozgarriagoa izan. Azpimarratzekoa da, era berean, Gora Mari Jaia! Bilboko Konpartsen irratsaio berezia emititu dugula Aste Nagusi osoan zehar , eguerdiko 14etatik arratsaldeko 16ak arte. Gonbidatu eta gai ugari izan dugu: Martxelo Otamendi, Aitor Elizegi eta Ixabel Isazelaia aurtengo Aste Nagusiko pregoilari eta txupinera, Xabier Silveira, Uxue Alberdi, 1983. urtean izandako uholdeen urteurrena, konpartsen ekitaldiak...

 

Gutariko askoren amets hau ez zen errealitate izango txoznan era batean edo bestean (txoznaren eraikuntzan, diseinuan, txoznen txandetan edo txozna deseraikitzen) parte hartu duzuen guztion partehartzerik gabe. Horregatik, Tas-Tas Irrati Libreak zuen esfortzua eta dedikazioagatik bihotz bihotzez eskerrak eman nahi dizkizue. Zuek izan barik, irrati hau ez litzateke gauza bera izango.

Asteazkenean, hilak 20, Bizizaleak eta Eguzkizaleak konpartsak antolatuta, Garoñaren aurkako kalejira burutu zen. Kalejira honetaz eta Garoñaren egoeraz hitz egin genuen Bizizaleak konpartsako Xabierrekin.

 

Garoña