Gaur goizean, parte hartzeari buruzko ikastaroko Ibarretxe lehendakariaren aurkezpena aprobetxatuz, Abiadura Handiko Trenaren aurkari talde bat Miramar Jauregiaren sarreran eseri eta lotu egin da, beste batzuk teilatutik behera pankarta atera dute, eta kurtsoan zeuden beste batzuk lehendakariari zuzenean galdegin diote.

 

Konferentzia areto barruan, lehendakariak aurkezpenaren bukaeran salaketa berdinaren inguruko galderak entzun behar izan ditu: "Nola egin daiteke bateragarri parte hartzearen aldeko bere mintzaldia aldi berean Abiadura Handiko Trenari buruz hainbat herritan egin diren kontsultei kaso ez egitearekin?"

Irailak 8 honetan egindako ekintzari buruz eta udan Zaldibian egindako AHTaren aurkako akanpadari buruz hitz egin dugu AHTaren aurkako Asanbladako Javier Hidalgorekin. Era berean, Jauregiaren barruan egon den beste kide batekin hitz egiteko aukera izan dugu.

 

Miramar jauregia AHTaren aurkako ekintza

 

 

Aurten lehenengo aldiz Tas-Tas Irratiko historian, irrati honek txozna bat izan du Bilboko Aste Nagusian. Aste Nagusi osoan zehar, Bilboko Arenalean, San Nicolas elizaren aurrean, ikusgai izateko aukera izan dugu, Zaratas konpartsaren bidez. Denetariko momentuak egon dira: dibertigarriak, tentsiokoak, angustiadunak... baina emaitza ezin da pozgarriagoa izan. Azpimarratzekoa da, era berean, Gora Mari Jaia! Bilboko Konpartsen irratsaio berezia emititu dugula Aste Nagusi osoan zehar , eguerdiko 14etatik arratsaldeko 16ak arte. Gonbidatu eta gai ugari izan dugu: Martxelo Otamendi, Aitor Elizegi eta Ixabel Isazelaia aurtengo Aste Nagusiko pregoilari eta txupinera, Xabier Silveira, Uxue Alberdi, 1983. urtean izandako uholdeen urteurrena, konpartsen ekitaldiak...

 

Gutariko askoren amets hau ez zen errealitate izango txoznan era batean edo bestean (txoznaren eraikuntzan, diseinuan, txoznen txandetan edo txozna deseraikitzen) parte hartu duzuen guztion partehartzerik gabe. Horregatik, Tas-Tas Irrati Libreak zuen esfortzua eta dedikazioagatik bihotz bihotzez eskerrak eman nahi dizkizue. Zuek izan barik, irrati hau ez litzateke gauza bera izango.

Asteazkenean, hilak 20, Bizizaleak eta Eguzkizaleak konpartsak antolatuta, Garoñaren aurkako kalejira burutu zen. Kalejira honetaz eta Garoñaren egoeraz hitz egin genuen Bizizaleak konpartsako Xabierrekin.

 

Garoña

 

 

Pasa den ostiralean, hilak 22, Ezker Abertzaleak manifestazioa deitu zuen "Euskal Herriak Aldaketa behar du" lelopean. Zenbait konpartsek bat egin zuten deialdi honekin. Manifestazio honetaz eta gaur egungo egoera politikoaz hitz egiteko, Abante Konpartsako Arantxa Urkaregi gurekin izan genuen Gora Mari Jaia! irratsaioan.

 

Arantxa Urkaregi Abante

 

 

Aste Nagusian, Emakumeek jasandako erasoen aurkako kanpaina abiatu da. Bilboko Konpartsek bat egin dute kanpaina honekin, eta asteazken honetako Gora Mari Jaia! irratsaioan Mamiki konpartsako Izaskun Madariaga izan dugu. Izaskunek kanpaina honen nondik norakoak azaldu dizkigu.

 

Izaskun Mamiki

 

 

Gora Mari Jaia! irratsaio bereziaren baitan, Hau Pittu Hau konpartsako kideekin hitz egin genuen, azken urteotan ematen duten Euskara Sariaren inguruan. Aurten Berria egunkariari eman diotenez, egunkari horren zuzendaria den Martxelo Otamendi ere gurekin eduki genuen.

 

Martxelo Otamendi

 

 

Gora Mari Jaia! irratsaio bereziaren baitan, Xabier Silveira bertsolari lesakarrarekin hitz egiteko aukera izan dugu. Berarekin bertsolaritzaren sasoiaz, "A las ocho en el bule" bere lehenengo liburuaz eta Aste Nagusiko Kulturgunean burutuko zen "Bertso hip-hop" ekitaldiaz hitz egin dugu.

 

Xabier Silveira