Gaur goizean, Goierriko AHT Gelditu! Elkarlanak deituta, goizeko 10etan
30 pertsona inguru bildu dira Gobernuaren Gipuzkoako Ordezkaritzan.
Bertan, goizeko 9etan hasita, AHTren Ordizia-Itsasondo zatiko akten
altxamendua egiteko asmoa zuten administrazioek Beasain, Ordizia,
Itsasondo eta Legorretako lurjabeak eta alkateak deituta. Honen inguruan hitz egiteko, Goierriko AHT Gelditu! Elkarlaneko Jone Etxeberria izan dugu gaurko Kaleko Bentanien.
Uztailan ere zinemari buruzko atal hau entzuteko aukera izan dugu. Hilabete honetan, Jaxone gure kolaboratzaileak Caos Calmo Italiako pelikula aurkeztu digu.
Uztailaren 3tik 9ra arte, mundu osoko emakumeak biltzeko sortutako Women Worlds Conference ekimena ospatzen ari da. Saami Nisson Forum emakume taldearekin bat eginda, Euskal Herriko Bilgune Feministako kide batzuk estatu gabeko nazioetako emakumeen egoerari buruzko hitzaldi bat eman eta Konferentzian bertan parte hartu dute uztailaren 4tik amaitu arte. Kide horietariko bat Izaskun Guarrotxena da, eta berarekin hitz egin dugu gaurko Kaleko Bentanien.
Gasteizeko Hala Bedi Irratiko eta Gaztetxeko kideek urte berezia izango zela esanez hasi zuten 2008a. Beraientzat, autogestioaren, asanblearismoaren eta herri ekimenen urtea zen honako hau.
Txorionak! 20 urte okupatzen 25 urte komunikatzen lelopean hasi ziren lehen pausoak ematen elkarrekin. Gaurkoan, hala ere, urriaren 11n kanpaina honi bukaera emango dion egun osoko jai erraldoia aurkeztu dute. Txorionak kanpainari buruz hitz egiteko, Hala Bedi Irratiko Gaizka Amondarain izan dugu gaurko Kaleko Bentanien.
Larunbat honetan, hilak 5, Nazioarteko Ekintza Globalerako Eguna ospatuko da, G8ko buruzagiek Japoneko Hokkaido irlan egingo duten bilkuraren aurka protestatzeko asmoz.Bilbon, arratsaldeko zortzietan Arriaga Antzokitik, manifestazioa abiatuko da. Honen inguruan hitz egiteko, Kaleko Bentanien David Lopategi eduki dugu.
Gaur goizean, 
Uztailaren 3tik 9ra arte, mundu osoko emakumeak biltzeko sortutako 
Gasteizeko 
Larunbat honetan, hilak 5, Nazioarteko Ekintza Globalerako Eguna ospatuko da, G8ko buruzagiek Japoneko Hokkaido irlan egingo duten bilkuraren aurka protestatzeko asmoz.Bilbon, arratsaldeko zortzietan Arriaga Antzokitik, manifestazioa abiatuko da. Honen inguruan hitz egiteko, Kaleko Bentanien David Lopategi eduki dugu.
