Patxi Huarte , "Zaldi Eroa" ezizenarekin ere ezaguna, Berria egunkariko komikigileetako bat dugu. Elkar argitaletxeak bere komikien bildumaren 3. bolumena argitaratu duela aprobetxatuz, Patxirekin hitz egin dugu.
Tomas Camacho eskolako umeek Marouani egindako elkarrisketa eskeintzen digute. Marouan Marokotik etorri da euskal Herrira bizitzera, bere herria eta musika tresnei buruz hitz egingo du.
Azken boladan hedabideetan Bilboko Udalak plazaratu duen Ordenantza Publikoari buruz hitz egiten ari da, batez ere, prostituzioaren inguruan ezarri nahi diren arautze eta debekuen harira. "Kalea guztiona da" herri ekimena sortu egin da, ordenantza honen aurka egiteko asmoz. Astearte honetan manifestu bat aurkeztu dute, eta igandean eguerdiko hamabietan Moyua Plazatik abiatuko den manifestaziora joateko deia egin dute. Gaurko saioan ekimen honetako Sabin del Bado izan dugu Kaleko Bentanien.
Cafe Bar Bilbaok BILBOKI egitasmo berria jarri du martxan, Bilbo Zaharra Euskaltegiaren laguntzarekin. Ziklo honi esker, bi hilabetetan behin formatu txikiko euskarazko emanaldi bat ikusi ahal izango da Plaza Berrian. Maiatzaren 20an, Gilkitxaro taldearen eskutik, "8 begi" antzezlana ikusi ahal izango da. Eta egitasmo honek maiatzaren 26an jarraituko du, Oier Guillan-en "Herio heroi" antzezlanaren irakurketa dramatizatuarekin. Gaurko Kaleko Bentanien Mikel Martinez BILBOKI egitasmoaren antolatzailearekin hitz egin dugu.
Nafarroako Euskalgintzak Maiatzaren 15an manifestazioa deitu du Nafarroan euskaraz bizitzeko eskubidea aldarrikatzeko. Oscar Zapata Topaguneko kideak Nafarroan euskararen egoera zein den kontatu digu.
Hilero bezala, Jaxone Usandizagak filme bat komentatu digu. Kasu honetan, Tim Burton zuzendariaren "Alicia en el pais de las maravillas" filma komentatu du.