Aurten Euskal Herrian burutuko diren IV. Jardunaldi feministak izango dira eta hauen harira kolektibo ezberdinetako emakume gazteak bildu dira borroka feministan beraien ekarpena zehazteko asmoz. Jardunaldietan parte hartzeaz gain, emakume gazteak biltzearen beharra ikusi dute, beraien egoerari buruz aritzeko eta feminismoa nola bizi duten beraien artean konpartitzeko. Hori aztertzeko emakume gazteon asanblada bat antolatu dute apirilak 11an Kukutza gaztetxean 16,30etan. Asanblada honetaz egin dugu berba gaurko Kaleko Bentanien asanbladaren antolatzaileetariko batekin, Hegoa Ugalderekin.

 

HegoaUgalde

 

 

Pasa den ostiralean, hilak 4, Bilboko Udalak Espainiako bandera jartzeko erabakia hartu zuen, EAEko Auzitegi Gorenak iragarritako sententzia baten ostean. Hori dela eta, Gurea ikurriña herri ekimena astelehen honetan, arratsaldeko 7 t'erdietan manifestazioa deitu du. Gaurko Kaleko Bentanien Unai Beaskoetxea ekimen honen bozeramailearekin egin dugu berba, besteak beste, ekimen honek erabaki honetaz egiten duen balorazioa jakiteko.

 

Unai Beaskoetxea

 

 

Aste honetan egindako podcast honetan, bi elkarrizketa entzun ahal izango duzue. Lehenengoa EHNE sindikatuko Iratxe Arriolari egindakoa, Bizigai elkarteak antolatutako agroekologiari buruzko jardunaldien harira. Iratxek AHT eta beste makroproiektuek izango dituzten ondorioetaz egin zigun berba. Bigarrena, Maite Franko ipuin kontalariari egindako elkarrizketa dugu. 

 

080405Podcast

 

Gaurko Kaleko Bentanien, gure kidea Jaimek egindako elkarrizketa bat entzuteko aukera izan dugu. Berak Maite Franko ipuin kontalariarekin berba egiteko aukera izan zuen. Maitek ipuin kontalarien bizimodua kontatzen du, baita ipuinak kontatzerakoan haurrekin duen harremanaz, edo gurasoekin duen harremanaz.

 

Maite Franko

 

 

Hilabetero bezala, Hitzen Bentanie literaturari buruzko atala izan dugu Kaleko Bentanien. Apirilean, Martak Mark Twainen Reflexiones contra la religión liburua aurkeztu du.

 

080403 HitzenBentanie

 

 

Aste honetan zehar, Alde Zaharreko Gatazka Gunean, agroekologiari buruzko jardunaldiak burutzen ari dira. Gaur, Agricultura desde lo común hitzaldia burutuko da. Hor, besteak beste, Uztaro kooperatibako kideak egongo dira proiektu hau aurkezteko. Gaurko Kaleko Bentanien, Uztaroko Amaia Odriozola izan dugu, kooperatiba honetaz berba egiteko. Berak kontatu dizkigu kooperatibaren oinarriak, oztopoak eta etorkizuna.

 

Uztaro