Skolastikak Afrikako literaturari buruzko hitzaldi zikloa antolatua zuen aste honetan zehar. Bestaldetik, hilabete osoan argazki erakusketa egongo da ikusgai, Swahili kulturan emakumearen paperaren inguruan. Bi ekitaldi hauen inguruan Skolastiko Josunerekin egin genuen berba.
Gaurko Kaleko Bentanien kolaborazio berria estreinatu dugu: Dr Waltzen errezetak. Atal honetan Dr Waltz (astelehenero Tas-Tas Irrati Librean, gauek bederatzietatik hamarretara) irratsaioaren egileak hiru abesti ezberdinak aurkezten dizkigu, bere irratsaioan entzuten diren generoaren inguruan: ska, reggae... musika beltza azken batean.
Mundakako eskolako neska lagunek lagun berriei egiten dieten elkarrizketa. Francisco Medellinetik (Kolonbiatik) etorri da, Maria eta Macarena, berriz Mendozatik (Argentinatik).
Asteazken honetan, hilaren 12an, Euskal Herrian Euskaraz taldeak Hizkuntza Eskubideen Eguna ekimena aurkeztu du. Azken urteotan, Oiartzun, Santurtzin eta Azpeitian egin ondoren, aurten Atarrabian egingo dute, iaz izandako debeku eta oztopoak gaindituz. Hizkuntza Eskubideen Egun honetaz, euskalgintzako egoeraz, eta hizkuntza politikaz berba egin dugu EHEko Nestor Estebanekin.
Asteazken honetan, hilaren bigarren asteazkena denez, 35mm zinemari eskeinitako tartea izan dugu Kaleko Bentanien. Bertan Jaxonek, gure kolaboratzaileak, bi filme ezberdinetaz egin digu berba. Alde batetik, No es país de viejos eta bestaldetik Buda explotó por verguenza.
Gatazka Gunearen kolaborazioa entzun dezakezue jarraian. Aste honetan, Johnny Rotten Sex Pistols taldekidearen liburu biografikoa aurkeztu digu Aitorrek, Gatazka Guneko kideak.
Resumen Latinoamericano aldizkariak Zinema Politikoa zikloa antolatu du. Zikloa asteazken honetan hasiko da, Itzubaltzeta Gaztetxean. Asteazkenean 13M Donibane dokumentala proiektatuko da Martxoak 11ren inguruan. Ziklo honetaz berba egiteko aukera izan dugu Fakun Aznarezekin, Resumen Latinoamericano aldizkariko kidea dena.
Gaur goizean, Euskadiko Gazteriaren Kontseiluak GaztePress egitasmo berria aurkeztu du Bilbon talde honek duen egoitzan. GaztePress, berez, gazteekin zerikusia duten albisteen boletin digitala dugu. Dena den, egitasmo honetan sakontzeko, Euskadiko Gazteriaren Kontseiluko Alfredo Elgezabalekin berba egin dugu.
