Irribarre batek gutxi kostatzen du eta asko eragiten du. Ematen duena ez du txirotzen eta jasotzen duena aberastu egiten du. Instant bat bakarrik irauten du baina oroimenean betirako irauten du." Charles Chaplin
Asteazken honetan, Urriaren 12, 13 eta 14an: ezagutzaren baterakuntza; esperientzien
feedbacka; adimen mugikorren konekzioa; artxiboa sortzen? Horrela
plazaratzen da aktibismoaren estatu mailako topaketa hauen edizio
berria. Oraingoan Gaztetxe bihurturiko Gernikako Astra lantegian (CSOA Astra Gernikeko Gaztetxea) Hackmeetingari buruz hitz egiteko antolatzaileetarko batekin, Dabidekin egin dugu berba hackmeetingari buruz eta baita Euskal Herrian oro har hacktibismoak bizi duen egoeraz.
Zenbait froga egin eta zenbait arazo tekniko gainditu ondoren, Internet-en bidezko emisioa berriro martxan dago. Zuzenean entzun dezakezue, goian dagoen loturaren bitartez.
Tas-Tas Irrati Librean proiektu berriari ekiten diogu: podcast-ak . Astean behin irratian emititutako elkarrizketak edo bestelako edukiek osatutako podcast bat argitaratuko dugu, zuek entzun eta jaitsi ahal izateko.
Gaurko lehenengo podcast honen edukiak hauxek dira:
SOS Arrazakeria elkarteko Zuriarekin egindao elkarrizketa, Bilboko abokatu baten aurka hasitako epaiketa dela eta.
Gazte Termometroa ekimenaren antolatzaile batekin izandako elkarrizketa.
Lan prekarietaren kontra antolatutako Via Crucis-a
Gabi Basañez euskaltzalearekin elkarrizketa, ostegunean egon zen epaiketaren harira.
Gernika Gogoratuz taldeko Iñaki Goitia kidearekin elkarrizketa, 6. kultur arteko guztion topaketetaz berba egiteko.
Ostegunetan, Kaleko Bentanien, zinemari leku txikia egiten diogu 35mm atalean. Gaur, gure kolaboratzailea Jaxonek pasa den astean burututako Donostiako Zinemaldiaz egin du berba: txartelak hartzeko arazoak, ikusitako filmak, Sari Ofiziala irabazi zuen filma... guzti horretaz aritu zen Jaxone.
HARRESIAK APURTUZ, Euskadiko Etorkinen laguntzarako GKE-en
Koordinakundeak, Gernika-Lumoko Bilgune Sarearen taldeek (IdeaSur,
Gernika Gogoratuz, Gernikatik Mundura) eta ASTRAko taldeen
koordinakundeak bat egin dute eskubide urraketak, pertsona migratzaileen
kriminalizazioa eta egun dauden migrazio-kontrol guztiak salatzeko. Hori
dela eta, Gernikan igande honetan, Urriak 7, 6. Kultur arteko guztion
topaketak antolatu dituzte. Topaketa hauetaz berba egiteko, Kaleko
Bentanien Gernika
Gogoratuz taldeko Iñaki Goitia kidea elkarrizketatuko dugu bihar, urriaren 5a, ostirala.
Urriaren 4an, osteguna, goizeko hamarrak laurden gutxitan Gabi Basañez euskaltzalearen aurkako epaiketa hasten zen. Gabi 1994tik hona epaiketak euskara hutsez (itzultzailerik gabe) egin ahal izatea aldarrikatu du. Asteazkenean Kaleko Bentanien berarekin egin genuen berba.
Ostegun honetako Kaleko Bentanien (Tas-Tas Irrati Librean,
arratsaldeko bostetatik seiretara), Gabi Basañez euskaltzalearekin
egingo dugu berba. Gabi 1994tik hona darrai epaiketetan euskaraz soilik
berba egin ahal izatea exigitzen. Hori dela eta, gaur goizeko 9:45etan
epaitua izan da. Berak bizi izandako experientzia kontatuko digu, eta
baita Euskal Herrian egon eta egongo diren antzeko kasuak.
Horretaz aparte, 35mm zinemari buruzko atalean, Jaxonek Donostiako
Zinemaldiari buruzko laburpena egingo digu, bere ustez, zeintzuk izan
diren filmerik interesgarrienak aipatuz.
Asteazken honetan, Urriak 3, Barakaldoko zenbait giza eta sindikal elkartek Mega Park merkataritza gunean dauden 1600 langileek jasaten duten lan prekarietatea salatzeko (besteak beste, 700 euroko soldata) Via Crucis bat burutu dute. Ekimen honen inguruan, eta baita oro har Ezkerraldean dagoen lan prekarietatearen egoeraz, edo elkarteen erantzunkizunaz hitz egiteko Karmele, antolatatzaileetariko bat, izan dugu gaurko Kaleko Bentanien.
