Asteazken goizean TATek (Torturaren Aurkako Taldea) agerraldia egiten zuen Bilbon, Ondarruan urtarrilean burututako operazioko auzi medikuaren txostenak torturak bistaratu dituela. Auzi honen inguruko azalpenak eman dizkigu TATeko Ane Ituiñok.
Azkenengo aldiz ikasturte honetan Lur Mallea Berton Mahatserriko aldizkariko kidea izan dugu Tas-Tas Irratiko estudioan, azken zenbakiko edukiak komentatzeko.
Uztailaren 26tik Abuztuaren 1era AHTren aurkako XV. akanpada burutuko da, AHTren aurkako Asanbladaren eskutik. AHTren aurkako Asanbladako Hilario Manzanedo izan dugu astearte honetako saioan, horretaz hitz egiteko.
Hilabetero bezala, Kepa Martiarena kirol aholkularia izan dugu astelehen honetako Kaleko Bentanien. Hilabete honetan, Peio Hernando mendizalea gonbidatu du Kepak. Duela gutxi, Peiok ekimen berria abiatu du "Nondik gatoz, nora goaz" lelopean, mendiaren inguruan dauden aurreiritziei aurre egiteko, eta mendiaren inguruan jendeak informazio gehiago izan dezan. Peiok ekimen honen edizio bat burutu du AEKko Barnetegi Ibiltarian hilabete honetan, eta pasa den astean Bilbo Zaharreko Larrabetzu tabernan.
Kaleko Bentanie saioaren baitan dugun zinemari buruzko atal honetan Jasone Usandizagak "Madres e hijas" eta "Mujeres de El Cairo" pelikulak komentatu dizkigu.