Sei hilabeteko elkarrizketa garaiaren ondoren, ASTRAko eragileek, koordinadoran ordezkatuak, eta Udal gobernuak ASTRA eraikinaren HITZARMENa sinatu dugu 2008ko uztailaren 11an. 

 

Talde eta norbanako desberdinek osatutako prentsaurreko baten bidez asteazken honetan, uztailak 16, arratsaldeko 6tan eta Gernika-Lumoko Kultur-Etxearen aurrean irudikatu zen hitzarmen honen sinadura herrikoia.

 

Hitzarmen honetaz hitz egiteko, Kaleko Bentanien Astrako Joana Olabarria izan genuen. 

 

Astra hitzarmena

 

 

Uztailak 15 honetan, 10 urte betetzen dira Baltasar Garzon epaileak Egin eta Egin Irratia ixteko agindua eman zuenetik. Hori dela eta, Tas-Tas Irratian irratsaio berezia egitea erabaki dugu. Irratsaio berezi honetan Idoia eta Roberto irratiko bi kideen adierazpenak entzun ahal izango dituzue, egitasmo herrikoi hauen itxieraren inguruan. Bestaldetik, Kepa Petralanda, Egin egunkariko lankide ohi batekin izandako solasaldia entzuteko aukera izango duzue.

 

Egin irratsaio berezia

 

 

Larunbat honetan, Txorionak ekimenaren baitan, MusikHerria Eguna ospatuko dute MusikHerriako kideek. MusikHerriako Txasko izan dugu Kaleko Bentanien, ekitaldi honen inguruan hitz egiteko.

 

MusikHerria Eguna

 

 

Gaur goizean, Goierriko AHT Gelditu! Elkarlanak deituta, goizeko 10etan 30 pertsona inguru bildu dira Gobernuaren Gipuzkoako Ordezkaritzan. Bertan, goizeko 9etan hasita, AHTren Ordizia-Itsasondo zatiko akten altxamendua egiteko asmoa zuten administrazioek Beasain, Ordizia, Itsasondo eta Legorretako lurjabeak eta alkateak deituta. Honen inguruan hitz egiteko, Goierriko AHT Gelditu! Elkarlaneko Jone Etxeberria izan dugu gaurko Kaleko Bentanien.

 

Goierriko elkarretaratzea