Zaratas konpartsa berria (konpartsa honekin Bilboko Konpartsek antolatutako zenbait ekimenetan parte hartu dugu) estreinatu dugula aprobetxatuz, aurten Tas-Tasek Bilboko Arenaletik irratsaio berezia egingo du. Saio honek batez ere Konpartsek antolatutako ekimenak izango ditu oinarritzat. Saio hau egunero arratsaldeko lauretatik seiretara emitituko dugu, bai FMko 97aren bidez, baita hasi berri dugun Internet-en bidezko emisioan. Ordu horretaz gain, arratsaldeko zortzietan eta gaueko hamarretan errepikapenak egongo dira.

Saio honen baitan, Aste Nagusian egongo diren ekimen guztien berri izango duzue, zenbait kolektiboko kideri egindako elkarrizketak entzuteaz gain, sexualitateari buruzko atalak, haurrentzako gunean egindako aktibitateak, konpartsetako kideei egindako elkarrizketak... eta abar luze bat.