Astearte honetan, Kaleko Bentanien, Bilgune Feministako Maite Segurolarekin berba egingo dugu. Pasa den ostiralean, familia kristauaren aldeko manifestazioan egindako adierazpenen harira, Bilgune Feministak prentsa oharra argitaratu zuen. Adierazpen hauen inguruko balorazioa jakiteko aukera izango dugu astearte honetako Kaleko Bentanien.

 

Horretaz aparte, gabonak bukatu direnez, ohiko kolaborazioen txanda berriro izango dugu. Hain zuzen, FAS zinekluba eta Gatazka Gunearen kolaborazioak izango ditugu aste honetako Kaleko Bentanien.