Aste honetan zehar, Euskal Herrian Ekintza Globalaren Astea burutzen ari da, eragile ezberdinek antolatuta. Ekitaldi hau Iaz Nairobin egindako Munduko Gizarte Foroak bideratutako ideia da, neoliberalismoak ekartzen dituen ondorioak salatzeko asmoarekin. Ostegun honetan Etxebizitza eskubidea izango da protagonista. 11:45tan Bilboko Udaletxearen aurrean kontzentrazioa burutuko da, gazte eragile ezberdinek deituta: EGK, Segi, BOM, Iratzarri, Gazte Komunisten Batasuna... Horren ondoren, arratsaldeko 7etan, Etxebizitza guztiontzat! lelopean Bilboko Plaza Biribiletik  manifestazioa abiatuko da.

 

Kaleko Bentanien (egunero, arratsaldeko 5etatik 6retara egiten dugun magazina), ostegunean bertan, egun horretan antolatutako ekimenetaz egingo dugu berba Euskadiko Gazteri Kontseiluko Igor Merarekin.