Datorren astelehenean, Ekainaren 2an, Bilboko Hotel Nervión-en hasiko diren jardunaldietan Saharako errefuxiatuengan nazioarteko lankidetzak daukan eragina aztertuko da; lanbide-prestakuntza eta elikaduraren subiranotasuna mintzagai izango direla.

Saio hauek Mundubat GGKEk antolatu ditu Espainiako Garapenerako Nazioarteko Lankidetza Agentziarekin sinaturiko Hitzarmenek diruz lagunduta. Bertan, Saharako Gobernuko ondorengo kideek parte hartuko dute: lankidetza-ministroa, Salek Baba Asean jauna; garapen-ministroa, Nema Saaid Yumani jauna; eta Funtzio Publiko eta Enplegurako Estatu idazkaria den Ahmed Fal jauna. Agintariok euren ministerioek bi arlo horietan dituzten lerro estrategikoak azalduko dituzte; 2007ko Abenduaren 14tik 18ra Tifaritin (lurralde askeak) izandako Fronte POLISARIOAren XII. Biltzarrak ezarritako lerro estrategikoak, hain zuzen.

Jardunaldietan udal-erakundeek, autonomia-erakundeek, Espainiako Garapenerako Nazioarteko Lankidetza Agentziak, eta GGKE-ek ere hartuko dute parte.

Topaketa honek Bilbon ere 2007ko Irailean izandako topaketari jarraipena ematen dio. Ekainaren 2an lanbide-prestakuntzaren sektoreko koordinazio-topaketak garatuko dira; eta Ekainaren 5ean, berriz, Saharako errefuxiatuen kanpamenduetako elikaduraren subiranotasunari buruzkoak.