Hilaren 14an, Bilbon eta Iruñean, Munduko Arrozak ekimena ospatuko da. Ekimen honek dituen helburuen artean herritarren partehartzearen  aldeko aldarrikapena edo kultur aniztasunaren aldeko apustua aipatu ahal dira. Ekimen honen ospakizuna dela eta, Bilboko Tas-Tas eta Irola irrati libreek irratsaio berezia antolatu dute, 11etatik 14ak arte. Irratsaioan Bilbon eta Iruñean ekimenean parte hartzen arituko diren jendearekin zuzeneko konexioak egingo dira, munduko musika anitza entzun ahal izango da eta arrozarekin zerikusia duten audio desberdinak entzuteko aukera egongo da.